observet (observet) wrote,
observet
observet

Category:

С Праздником Святой и Живоначальной Троицы, с Пятидесятницей, братья и сестры!


Благословен еси, Христе Боже наш, иже премудры ловцы явлей, низпослав им Духа Святаго, и теми уловлей вселенную. Человеколюбче, слава Тебе.

Егда снизшед языки слия, разделяше языки Вышний, егда же огненныя языки раздаяше, в соединение вся призва, и согласно славим Всесвятаго Духа.

Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.

Пресвятая Троице, Единосущная Державо, всех благих Вина, что воздадим Тебе за вся, яже воздала еси нам, грешным и недостойным, прежде, неже на свет произыдохом, за вся, яже воздаеши коемуждо нас по вся дни и яже уготовала еси всем нам в веце грядущем? Подобаше убо за толикия благодеяния и щедроты благодарити Тя не словесы точию, но паче делы, храняще и исполняюще заповеди Твоя: мы же, страстем нашим и злым обычаем внемше, в бесчисленные от юности низвергохомся грехи и беззакония. Сего ради, яко нечистым и оскверненным, не точию пред трисветлое Лице Твое безстудно явитеся, но ниже Имене Твоего Пресвятаго изрещи довлеше нам, аще бы не Ты Сама благоизволила во отраду нашу возвестити, яко, чистыя и праведныя любящи, и грешники кающиеся милуеши и благоутробне приемлеши. Призри убо, о Пребожественная Троице, с высоты Святыя Славы Твоея на нас, многогрешных, и благое произволение наше вместо благих дел приими, и подаждь нам духа истиннаго покаяния, да возненавидевше всяк грех, в чистоте и правде до конца дней наших поживем, творяще пресвятую волю Твою и славяще чистыми помыслы и благими деяньми сладчайшее и великолепое имя Твое. Аминь.













Tags: Молитвы и церковные песнопения, Православие, Православная Церковь, Православные праздники, Праздники, Проповедь, Русская Православная Церковь
Subscribe

Posts from This Journal “Православие” Tag

Buy for 10 tokens
Buy promo for minimal price.
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 3 comments